مشكلة القشرة وعلاجها

[center]السلام عليكم ورحمة الله وبركاته
كنت وعدتكم في الموضوع اللي فات ان احنا هنعالج مشاكل الشعر وبعدها البشرة
هديكم خطوات أساسية لعلاج مشاكل الشعر:
بس قبل ما نبدأ لا زم كل واحدة تاخد على نفسها عهد قوى انها تستمر بالطرق الصحيحة لأن أي خطأ في أي وقت يرجع مشاكل الشعر تاني وكأن شيئا لم يكن:
خلونا نبدأ مع بعض:
أولا:
لو الشعر فيه قشرة لازم التخلص منها نهائيا وهنعالج ده مع بعض بس الأول لازم نعرف ايه هيه القشرة (هي عبارة عن طبقة من فروة الشعر بتموت وبتسقط فبتخرج على شكل قشرة)
القشرة عندي نوعين : 1- قشرة موسمية: ودي اللي بتكون في فترة الانتقال بين فصلي الصيف والشتاء ودي قشرة طبيعية.
2- القشرة المستمرة: هيه دي المشكلة السبب الرئيسي ليها المية السخنة - عوامل نفسية - التغطية المستمرة للشعر - استخدام كريمات وزيوت غير أصلية

[ازاي نعالجها؟؟؟؟؟؟؟؟[/u]
1- الابتعاد تماما عن الماء الساخن ولو مش قادرة تبقى على قد ما تقدري فاترة.
2- تمشيط الشعر بالمشط الخشب.
3- أفضل انواع الشامبو شامبو (ادفانس تكنيكس) وده من منتجات ايفون يليه مباشرة شامبو كلير.
4- أفضل أنواع الكريم للقشرة (كريم باراشوت) وهناك الفضل وهو استخدام ماسك للشعر بشرط يكون للقشرة هوه يكمن غالي شوية بس مفعوله مضمون اذا كان أصلي مش تقليد.
5- اتركي شعرك بدون أي توك لمدة شهر على الأقل.
6- اذا كان شعرك دهني يفضل غسلة 3 مرات في الأسبوع بشكل منتظم أما لو شعرك عادي أو جاف فمرتين كفاية.
7- لا تدلكي شعرك بالفوطة بعد الحمام بل لفي شعرك بالفوطة واتركيها على شعرك لمدة 15 دقيقة أما الشعر الدهني فـ 20 دقيقة
8- قومي باستخدام المشط الخشب في تمشيط الشعر بعد وضع الكريم والأفضل ماسك الشعر
9- في حالة تشابك الشعر قومي بتقسيم الشعر الى اجزاء وذلك لضمان عدم شد الشعر أثناء التسريح لأن الشعر في هذا الوقت يكون ضعيف والمسام مفتحة.
10- استمري على ذلك لمدة لا تقل عن شهر أو 45 يوم حتى لو لاحظتي اختفاء القشرة.
11- لا تستخدمي أي كريمات غذاء للشعر الا بعد القضاء على القشرة نهائيا. لأن احنا بنسمي القشرة (خناقة الشعر) أو (مصد الغذاء)

ملحوظة هامة جدأ: قبل البدء في العلاج لا بد من قص أطراف الشعر بمقدار 2/1 نصف سنتيمتر
كذلك الابتعاد تماما ونهايئا عن صبغ الشعر أو كوية أو فرده وما الى ذلك.

ونحن لدينا المزيد نرجو من الله أن يجعلنا سبب لادخال الفرحة اليكن
لو عايزين أكتر ردوا عليا
Dr.M[/font][/size]

بجد بجد تسلم ايدك ومشاركاتك المفيدة
فعلا اسئلو اهل العلم ان كنتم لاتعلمون
انا شخصيآ ولد واستفدة كتير من موضوعك ده يا دكتور
وانتظر منك الجديد والي جاي خير ان شاء الله
فيه مفاجاءة مني ليك في انتظارك
بصفتي منشئ المنتدي
تقبل مروري المتواضع
هوباااا

شكرآ لحضرتك يا دكتور
رغم اني عيني ضعفت لحد ما قراءة الموضع
بس ولا يهمك
نصيحك جميله ومفيده
بس انا اسمع ان الماء البارد هو الي بيسبب القشرة
احنا بجد ها نستفيد من وجودك هنا معانا
ياريت كل وقت تحطلنا نصايح
وتتفاعل معانا ياريت

سلمت يمينك اخي علي الافاده الرائعه