اجدد الافلام واحدث الاغاني واستمتع باحلي دردشة معا الاصحاب
 
الرئيسيةالرئيسية  البوابةالبوابة  اليوميةاليومية  مكتبة الصورمكتبة الصور  س .و .جس .و .ج  بحـثبحـث  الأعضاءالأعضاء  التسجيلالتسجيل  دخولدخول  

شاطر | 
 

 اعملى كدة وانتى هتتجوزى بسرعة...لازم يا بنات تشوفوا

اذهب الى الأسفل 
كاتب الموضوعرسالة
Mayoy Alex

¨°o.O عضو مميز O.o°¨°o.O عضو مميز O.o°
avatar

الجنس : انثى
عدد المساهمات : 433
تاريخ التسجيل : 18/12/2009
العمر : 24
البلد : ام الدنيا
المزاج المزاج : Be C00l 3ala T00l

مُساهمةموضوع: اعملى كدة وانتى هتتجوزى بسرعة...لازم يا بنات تشوفوا   الأحد فبراير 07, 2010 10:35 pm

بسم الله الرحمن الرحيم اناحبيت انقل لكل فتوكة النصايح ديه عشان متحتسش لما خطيبها يعزمها
*****************
آنستي العزيزة.. لو ربنا فك عقدتك.. واتخطبتي.. فإليكِ نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس



قصدي قفص الزوجية السعيد ..



أجمل ما في الخطوبة العزومات الرومانسية.. على أحلى محلات أكل في البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع خطيبك.. قلنا رقَّه





1
الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق طبعًااا






2
العيش أوعي تفضحينا وتقطعيه بسنانك.. ولا الرغيف نصين بإيدك وكل نص لقمة وتحشري.. أوعي.. العيش بيتقطع بالسكينة في الطبق.. وبعدين تاخدي لقمة.. لقمة .. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِـفِّي زي ماانتِ عايزة





3


الشوووربة.. أبوس كعب رجلك.. بند الشوربة ده مهم جدًاااا


الشوربة تتشِرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ في الحجر للزبون.. وطبعًاااااا عايزِك تنسي تمامًا.. السلطانية اللي بتقيميها على بقك في البيت وتدلدقي على روحك ..بالمعلقة وبدون صوت.. سخنة, ولعة , برضه بدون صوت وتسيبي تلت الطبق ع الأقل.. مش تميّليه.. عشان تلهطيها لآخر نقطة




4
الرز طبعاً .. بيتّاكل بالشوكة.. أوعي إيدك تتمد على المعلقةوتغرفي من طبق الرز وتعبّي.. إوعي.. الرز بالشوكة.. وكإنك بتبوسيه مش بتاكليه




5


المكرونة.. الاسباجتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود





6
السمك.. مشكلة.. شوفي.. بتفصلي اللحم عن الشوك إزاي..؟؟ تقطعي اللحم من النص.. بالطول وبعدين تفردي اللحم على الجانبين ولما تخلصي ناحية.. متقلبيش السمكة.. بلاش فلح
شيلي السلسلة بالشوكة والسكينة وحطيها في جنب الطبق وكملي أكل النص التاني.. وبدل الفيلم الهندي ده.. نصيحة ماتكليش السمك خالص.. قولي مابحبش السمك وخلصي نفسك





7


الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت بابّااااا.. واتنهّدي جامد وقولي.. برضه..؟؟؟ وتروحي قاطعة راس الجمبريّاية.. بالشوكة.. أنا ف عرضك إنسي المصمصة دلوقتي





8


البطاطس سواء مسلوقة أو محمرة.. أوعي تهرسيها وتدبيها على الرز وتدّي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي





9


الفاكهة.. لو الفاكهة فيها بذر.. طلعيه من بؤك بالراحة وحطيه في إيدك وهي مقفولة.. وبعدين في طفاية السجاير اللي ع الترابيزة أوعي ياحبيبتي من نظام التفتفة للبذر.. إنسي





10


ولما تخلّصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا قدامي أسبوع.. هابطّل أكل فيه


وبعدين تمسكي الفوطة اللي دايمًا موجودة على التربيزة من غير لزمة.. وتبوسيها.. آل يعني بتمسحي بؤّك


وبعدين تستأذني منه لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا

اسمعوا الكلام وابقوا قولولى
الرجوع الى أعلى الصفحة اذهب الى الأسفل
mema_20

¨°o.O عضو نشيط O.o°¨°o.O عضو نشيط O.o°
avatar

الجنس : انثى
عدد المساهمات : 150
تاريخ التسجيل : 07/01/2010
العمر : 31
البلد : egypt
المزاج المزاج : شعارفة >>> حزينه جدااااا

مُساهمةموضوع: رد: اعملى كدة وانتى هتتجوزى بسرعة...لازم يا بنات تشوفوا   الإثنين فبراير 08, 2010 2:43 am

هههههههههههههههههههههه
فى كدة ؟؟؟
بصى انا دايما بقول الطبيعى أحلى
بس لو الطبيعى فيه همجية بالشكل اللى انتى زكرتيه دة يبقى النصايح دى أسلم حل
أشكرك وتقبلى مرورى
الرجوع الى أعلى الصفحة اذهب الى الأسفل
http://enwan.yoo7.com
 
اعملى كدة وانتى هتتجوزى بسرعة...لازم يا بنات تشوفوا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الوردة الحمراء :: ·^v¯`×]¦[ألمنتديآت ألآســريـــه]¦[ׯ`v^· :: •ღ عروس الوردة الحمراء •ღ-
انتقل الى: