هنا جمعتنا الحلوه تعالوا

ahmedabdalla3 كتب:: نسيت اقولك على حكمة قالوها زمان بتقول :

تأتى الرياح بما لا تشتهى السفن

ودى معناها انه احيانا يبقى الانسان قاعد فى امان الله لا بيه ولا عليه

وفجأة تهب عاصفة من حيث لا ندرى

تدمر كل شىء من غير سلام ولا كلام

او نقدر نقول على رأى محمد عبد الوهاب الله يرحمه

من غير ليه !!!

مين قدك يا عم احمد بيقت تقول حكم
يا عيني عليك طول عمرك انت كدة دمك خفيف

دنيا كتب:: [/size]

مين قدك يا عم احمد بيقت تقول حكم
يا عيني عليك طول عمرك انت كدة دمك خفيف[/quote]

شوفتى بقى اخرتها يادنيا

بقيت بقول حكم

نقول ايه بقى للزمن

هو اللى بيخلى الواحد يبقى حكيم غصب عنه

وطالما بقى حكيم يبقى بالمرة ممكن يدى حقن

وياخد فى كل حقنة خمسين قرش

والقرش فوق القرش بنحوش ملايين

بس لحد الان لم اعرف من سيربح المليون ؟

وشكرا على المجاملة والدم الخفيف

صباح الخير

رسالة من القلب

لكل الغائبين عن البيت

أطالب بحضورهم فوراً

فالغياب مرفوض مهما كانت الأسباب

النداء الأخير قبل أن أتخذ الإجراءات المناسبة

ههههه

ليس تهديد .. ولكنهاهمسة صادقة من قلب لا يعرف سوى الحب

صباح المحبة والسعادة

في بيت لايعرف سوى الحب

صباحكم مميز أحبائي

صباح الخير

صباح الفل على الكل

صباح سعيد وجمعة مباركة

يارب تكونوا بخير

وربنا يصلح الاحوال ويهدى النفوس

ويسعد القلوب

وكل عام وانتم بخير

هنا جمعتنا الحلوه تعالوا - صفحة 12 ShowImage

هنا جمعتنا الحلوه تعالوا - صفحة 12 ShowImage

مساء الخير عليكم كلكم
شكرا احمد علي السؤال هناك بس هم اللي عرفوا الاخبار الاول علشان هم اللي سألوا
مش كدة ولا ايه؟؟؟؟؟؟؟؟؟؟؟؟؟؟؟؟؟

صباح الخير للكل
صباح الخير احمد صباخ الخير عشوقه

صباح الخير لاحلى شموسه في الدنيا

يا ظالمه فين انتي من زمان لا ليكي حس ولا خبر

ها اتعرفي

shams elshammousa كتب:: مساء الخير عليكم كلكم
شكرا احمد علي السؤال هناك بس هم اللي عرفوا الاخبار الاول علشان هم اللي سألوا
مش كدة ولا ايه؟؟؟؟؟؟؟؟؟؟؟؟؟؟؟؟؟

والله ياشموسة انا من ايام البطولة الافريقية

والكراكيب اللى ارتبطت بيها فى المكان القديم والجديد وهنا

وانا مش مركز فى مكان معين وماكنتش بدخل هناك عندكوا

عشان كده ما عرفتش باللى حصل غير لما دخلت هناك بعد ماهديت الاحداث

وبعدين هما سألوا عشان هما معاكى على طول واكيد حيلاحظو الغياب بسهولة

وانتى نورتينا بالطلة الصغيرة دى

وان شالله تقومى بالسلامة

وياريت برضو تطمنينا عنك على طول

دنيا كتب:: صباح الخير للكل
صباح الخير احمد صباخ الخير عشوقه

اهلا دندون

صباح النور عليكى

وصباح الخير على كل الحبايب

الحاضرين والغايبين

وربنا يحسن الاحوال

ويارب يكون الجميع بخير

السلام عليكم اخباركم ايه يارب تكونو بخير
انا النهارده اول ما صحيت صحيت على خبر
بجد خلى مزاجي وحش وفاه احد اصحابي
المصريين بجد كان نعم الصديق و الاخ كنت
بكلمو دايما على الياهو و كان دايما بيسال عليا
و نطمن على بعض بالرسايل كان بنا كلي
حب و حترام اسمو احمد و كان معروف باسم
اوني اكيد عرفتو يا احمد الانسان ده عمري ما
شفت منو حاجه وحشه كان كلو زوق و ادب
و جدع اوي و كان الي بيعجبني فيه كفاحو كان
بيدرس و يشتغل في نفس الوقت و الله بكتب عنو
الكلام ده و عيني مليانه دموع تصدقو بالله و الله
فتحت الياهو و كتبت في الايميل بتاعو الكلمه دي
كده بالحرف الواحد الله يرحمك يا احمد عمري ما
حنساك بجد كنت نعم الاخ و الصديق انسان حبيتو
من كلي قلبي و فعلا عمري ما حنساه الله يصبر
اهلو و يرحمو و يغفر لو
الدنيا دي بجد و لا تسوى حاجه و الله بس الي مصبرني
ان احمد اوني مات و سايب دكرى حلوه في قلوب كلي
الي عرفوه الله يرحمك يا احمد ان لله و ان اليه راجعون

و الله اسفه ان نكدت عليكم كده بس حبيت تشاركوني
احزاني و ندعو للانسان ده بالرحمه كان ليا الشرف
ان عرفتو و بجد ساب في قلبي دكرى حلوه عمري ما حنساه

ايه ده

أحمد أونى مات

لا اله الا الله

ولا حول ولا قوة الا بالله

اه طبعا عارفه يا أمل

فى الشهور الاخيرة كان دايما يبعتلى رسايل زوار

ويبعتلى روابط مواضيع ليه عشان اشارك فيها

لا حول ولا قوة الا بالله

فعلا والله الدنيا مالهاش امان

وصدق من قال العمر لحظة

الله يرحمه ويحسن اليه

ويغفرله ذنوبه ويتقبل حسناته

والف رحمة ونور عليه

ايوه يا احمد مات النهارده جاتني رساله بكده الانسان ده
بجد روعه في كلامو في تصرفاتو تصدق بالله يا احمد
و الله هو الي علمني ازاي انزل صور هنا في المنتدى
و صبر معايا لحدي ما تعلمت انا رسايلو لسه عندي
و الله من كتر حبي لو لسه محتفظه بها ربنا يرحمو
و يرحم جميع امواتنا ان لله و ان اليه راجعون

الله يرحمه ويصبر اهله يارب

اكيد ذكرياته حتفضل موجودة لفترة طويلة

اطلبى له الرحمة هو وجميع موتانا وموتى المسلمين

انا لله وانا اليه راجعون

الدنيا دي و لا تسوى حاجه يا احمد ناس بنقابلها و نحبها
و نعيش معاها لحظات جميله في لحظه تصحى ما تلقيهاش
و تيجي ناس تانيه يمكن ما تطلعش زيي الناس الي راحت
اللهم لا عتراض

احمد انت مطلوب في قسم السياحه و السفر
و بالظبط في الموضوع ده و اهو الرابط

https://redroos6.yoo7.com/montada-f38/topic-t817.htm#3259

هنا جمعتنا الحلوه تعالوا - صفحة 12 992828632

هنا جمعتنا الحلوه تعالوا - صفحة 12 992828632

دنيا كتب:: صباح الخير لاحلى شموسه في الدنيا

يا ظالمه فين انتي من زمان لا ليكي حس ولا خبر

ها اتعرفي

صباح الفل يا احلي دنيا وحشتيني جدا فينك و فين أيامك الحلوة انا موجودة بس كنت بعمل عملية في رجلي
و ربنا يكرم و يتم الشفاء دعواتك الحمد لله انا احسن دلوقتي بس الموضوع ممكن ياخد وقت شوية
دمتي بود

صباح الفل
على احلى منتدى
وأحلى أعضاء

يارب تكونوا كلكم بخير

ويسعدنى ان اشترك معكم فى لممتكم الحلوة دى

بجد فكرة رائعه ويسلم صاحبها
تحيااااااااااااااااااتى للجمييييييييييييييع

صباح الخير ع الجميع
كيفك احمد زماااان عنك يا دب

أهلا بالعيون الجميلة
انتي تنوري اينما وجدتي
كتيير سعداء بانضمامك لاسرتنا الصغيرة

السلام عليكم ورحمة الله وبركاته .....

قال تعالى : " كل نفس ذائقة الموت "

وقال عز وجل : " فإذا جاء أجلهم لا يستأخرون ساعة ولا يستقدمون "

تعازينا في الفقيد احمد رحمه الله
اللهم انس وحشته في قبره و اجعل قبره روضة من رياض الجنة
و نقه من الذنوب والخطايا كما ينقى الثوب الابيض من الدنس
و اغسله بالماء و الثلج و البرد
و ارزق اهله و ذويه الصبر و السلوان
اللهم ارزقك الصبر يا امل على صديقك
رحم الله الفقيد بواسع رحمته وأسكنه فسيح جنتة
إنا لله وإنا إليه راجعون ..
ولا حول ولا قوة إلا بالله العلي العظيم

aymal_4ever كتب:: الدنيا دي و لا تسوى حاجه يا احمد ناس بنقابلها و نحبها
و نعيش معاها لحظات جميله في لحظه تصحى ما تلقيهاش
و تيجي ناس تانيه يمكن ما تطلعش زيي الناس الي راحت
اللهم لا عتراض

هو ده حال الدنيا يا أمل

فعلا ما تسوى شىء

ودوام الحال من المحال

وربنا يرحمنا برحمته

aymal_4ever كتب:: احمد انت مطلوب في قسم السياحه و السفر
و بالظبط في الموضوع ده و اهو الرابط

https://redroos6.yoo7.com/montada-f38/topic-t817.htm#3259

علم وسينفذ قريبا ان شاء الله

فانتظرونى ولكن بعد الفاصل

اهلا بالحبيبة ام شمس
والله الك وحشة كبييييرة
والف حمد لله على نجاح العملية
ان شاء الله ما تشوفي شر
و بالشفاء العاجل ان شاء الله

بالمناسبة حابة اسأل ع الغالية مجمج
انشاء الله بنسمع عنها أخبار طيبة

العيون الجميلة كتب:: صباح الفل
على احلى منتدى
وأحلى أعضاء

يارب تكونوا كلكم بخير

ويسعدنى ان اشترك معكم فى لممتكم الحلوة دى

بجد فكرة رائعه ويسلم صاحبها
تحيااااااااااااااااااتى للجمييييييييييييييع

اهلا يارورو

نورتى البيت

ونورتى لمتنا

والشكر كله لصاحبة البيت ماجى

اللى دايما كانت بتجمعنا فى بيوتها الحلوة

لكن للاسف هى دلوقتى غايبة عن البيت

وربنا يرجعها بالسلامة

على فكرة يا جماعة

البت العيون الجميلة

والبت ميوى اليكس

دول ولاد اختى

مش بقولكم ان المنتدى عائلى

عاشقة الفن الأصيل كتب:: صباح الخير ع الجميع
كيفك احمد زماااان عنك يا دب

صباح النور عشوقة

انا بخير الحمد لله

بس والله المزاج مش رايق اوى

عشان كده تحسى كأنى مش موجود

وشكرا لينا على السؤال

عاشقة الفن الأصيل كتب:: اهلا بالحبيبة ام شمس
والله الك وحشة كبييييرة
والف حمد لله على نجاح العملية
ان شاء الله ما تشوفي شر
و بالشفاء العاجل ان شاء الله

بالمناسبة حابة اسأل ع الغالية مجمج
انشاء الله بنسمع عنها أخبار طيبة

تمنياتنا ودعواتنا لشموسة بالشفاء العاجل

وبتمام الصحة ان شاء الله

وبالنسبة للغالية ماجى

هى كانت تعبانة شوية اليومين اللى فاتوا

وللاسف الان فقدت الاتصال بيها وانقطعت اخبارها عنى

دعواتكم لها بالرجوع سالمة فى اقرب وقت باذن الله

shams elshammousa كتب:

دنيا كتب:: صباح الخير لاحلى شموسه في الدنيا

يا ظالمه فين انتي من زمان لا ليكي حس ولا خبر

ها اتعرفي

صباح الفل يا احلي دنيا وحشتيني جدا فينك و فين أيامك الحلوة انا موجودة بس كنت بعمل عملية في رجلي
و ربنا يكرم و يتم الشفاء دعواتك الحمد لله انا احسن دلوقتي بس الموضوع ممكن ياخد وقت شوية
دمتي بود

اول حاجه حمد الله على السلامه يا ست الكل
وانتي وحشتيني موت يا قمر وان شاء الله تشفي بسرعه وترجعنا زي الاول واحسن

ازيك يا احمد اخبارك ايه يارب تكون بخير و ازاي
اسنانك دلوقتي يارب تكون احسن تعرف يا ابو حميد
و الله بقيت اكره دكتور السنان مش عارفه ليه بنكرهو
مع انو هو لي بيريحنا من الالم و على فكره الخوف
من دكتور السنان حاجه طبيعيه عادي على راي علماء
النفس انا كنت قريت مره مقال في الموضوع ده

ازيك يا لينا اخبارك ايه و الله وحشاني موووووووت
يارب تكوني بخير و بشكرك على الدعاء لاحمد اوني
ربنا يجازيكي كلي خير و الله لو كنت عرفت الشخص
ده كنت حبتيه عشان بجد يتحب و نعم الصديق و الاخ
الله يرحمك يا احمد اوني
لينا فين اخبار ستار اكاديمي عايزين صور و معلومات
عن المشتركين عايزين نتعرف عليهم واحد واحد احنا
مستنيين جديديك

يا حول الله يا رب
ان لله وان اليه لراجعون
الله يصببر اهله

دنيا ازيك يا قمر اخبارك ايه و اخبار ناس فلسطين
ايه انا بصراحه مش عارفه ليه بتغيبي عننا كتير
ايه عايزه تعرفي قدي ايه بنحبك لا طمني بنحبك
و ما نقدرش نستغنى عنك حد يقدر يستغنى عن
القمر ربنا يخليك و بشكرك على الدعاء لاحمد
الله يرححمك يا احمد اوني

شموسه الف سلامه عليكي يا قمر يارب تكوني دلوقتي
احسن بس خديها كلمه مني ياريت ما تبعديش عننا
كفايه انك تدخلي هنا و تلاقي كلي الحب و تلاقي
الكل بيسال عليكي دي لوحدها تشفي القلب مش الجروح
ربنا يشفيكي و يجعلها من مغفره للدنوب

موجه الف سلامه عليكي و الله المنتدى من غيرك مظلم
بجد وحشاني ياريت ما طوليش الغيبه ما تخافيش محوشه
ليكي نصيبك من البضاعه الجديده مع ان احمد كوش على
كلي حاجه بس ما تخافيش قدرت اسرق شويه ههههههههه
بجد وحشاني يا بت ياريت ترجعي انت بتدي للمنتدى نفس
جميل

عارفين يا جماعه و انا بكتب الردود دي خطر في بالي سؤال
يا ترى ايه سر الحب الي بنحبو لبعض مع اننا ما نعرفش
بعض و كلي واحد فينا في حته بجد ايه سر الحب ده مع ان لي
يربطنا شويه مواضيع و نرد بها على بعض صحيح غريب
الحب ده و الله ياريت حد يجاوبني على السؤال ده و انا بدوري
بقول لكل واحد هنا في المنتدى الكلمه دي

هنا جمعتنا الحلوه تعالوا - صفحة 12 778420917

هنا جمعتنا الحلوه تعالوا - صفحة 12 778420917

aymal_4ever كتب:: ازيك يا احمد اخبارك ايه يارب تكون بخير و ازاي
اسنانك دلوقتي يارب تكون احسن تعرف يا ابو حميد
و الله بقيت اكره دكتور السنان مش عارفه ليه بنكرهو
مع انو هو لي بيريحنا من الالم و على فكره الخوف
من دكتور السنان حاجه طبيعيه عادي على راي علماء
النفس انا كنت قريت مره مقال في الموضوع ده

اهلا امولة ازيك انتى

انا بخير الحمد لله

والحمد لله سنانى بقت احسن دلوقتى

وعندك حق دكتور السنان بنخاف منه ومش بنحب نروحله

لكن فى الاخر هو اللى بيريحنا

انا بالنسبة لى خلعت واحد والتانى قاللى حرام تخلعه وخلينا نحشيه احسن

والحاجة الغريبة ان الحشو كان اصعب من الخلع وتعبنى جدا

لانه اخد اكتر من جلسة

وفى كل جلسة كان ينضف ويقور ويحط فى حاجات ويشيل حاجات

والمشكلة الاكبر اللى اكتشفتها بعد كده

انه كان بيعمل كل ده من غير ما يحط بنج

وطبعا عينك ما تشوف الا النور

كنت عامل زى الفسيخة الميتة او الفرخة الدايخة

رغم انى حاولت احتفظ بهوئى وامسك نفسى

لكن الحمد لله اخيرا اتحسنت وبقيت تمام

aymal_4ever كتب:: شموسه الف سلامه عليكي يا قمر يارب تكوني دلوقتي
احسن بس خديها كلمه مني ياريت ما تبعديش عننا
كفايه انك تدخلي هنا و تلاقي كلي الحب و تلاقي
الكل بيسال عليكي دي لوحدها تشفي القلب مش الجروح
ربنا يشفيكي و يجعلها من مغفره للدنوب

ربنا يشفيها شموسة ويفك عنها

وان شاء الله ترجعلنا بالسلامة

وتطل علينا دايما عشان تنور البيت الجميل

aymal_4ever كتب:: موجه الف سلامه عليكي و الله المنتدى من غيرك مظلم
بجد وحشاني ياريت ما طوليش الغيبه ما تخافيش محوشه
ليكي نصيبك من البضاعه الجديده مع ان احمد كوش على
كلي حاجه بس ما تخافيش قدرت اسرق شويه ههههههههه
بجد وحشاني يا بت ياريت ترجعي انت بتدي للمنتدى نفس
جميل

ربنا يكرمها ماجى ويفك عنها

وترجع تانى لكل الناس اللى بيحبوها بجد

وان شاء الله ترجع تانى فى اسرع وقت

عشان تنور المنتدى وتعرف اد ايه الناس هنا بيحبوها ولا يستغنوا عنها

aymal_4ever كتب:: ازيك يا لينا اخبارك ايه و الله وحشاني موووووووت
يارب تكوني بخير و بشكرك على الدعاء لاحمد اوني
ربنا يجازيكي كلي خير و الله لو كنت عرفت الشخص
ده كنت حبتيه عشان بجد يتحب و نعم الصديق و الاخ
الله يرحمك يا احمد اوني
لينا فين اخبار ستار اكاديمي عايزين صور و معلومات
عن المشتركين عايزين نتعرف عليهم واحد واحد احنا
مستنيين جديديك

خدى بالك يا امل

لينا نشيطة جدا وحماسية جدا

يعنى لو حمستيها حتخليها تملا القسم مواضيع عن ستار اكاديمى وفضايحه

ومش حتلحقى تتابعى كل المواضيع دى من كترها

يعنى بالراحه عليها وشوية شوية

aymal_4ever كتب:: عارفين يا جماعه و انا بكتب الردود دي خطر في بالي سؤال
يا ترى ايه سر الحب الي بنحبو لبعض مع اننا ما نعرفش
بعض و كلي واحد فينا في حته بجد ايه سر الحب ده مع ان لي
يربطنا شويه مواضيع و نرد بها على بعض صحيح غريب
الحب ده و الله ياريت حد يجاوبني على السؤال ده و انا بدوري
بقول لكل واحد هنا في المنتدى الكلمه دي

الحب ده بيبقى من عند ربنا

يعنى لو دورنا وفتشنا وسألنا

مش حنقدر نعرف سر الحب ده ايه

بس اهم شىء ربنا يدوم الحب بيننا

وما نفترق دايما عن بعض

وتفضل دايما قلوبنا على قلوب بعض

بحيث لا نزعل بعض ولا نظلم بعض ولا نغلط فى بعض

وربنا يبعد عننا العين الوحشة

عشان كده لازم حد يتصرف ويجيب مبخرة

يبخر بيها البيت الجميل ده

على فكرة انا اول واحدة هابخر البيت الجميل دة وربنايخليكو لبعض
وبجد مايحرمكوش من اللمة الحلوة دى ولا السؤال على بعض
وبحب اشكرك اوى اوى يا احمد لانك عرفتنى بالمنتدى المحترم دة وبالخصوص البيت
وفعلا بينطبق علية الاسم دة ويارب اكون واحدة منكم وتقبلونى صديقة ليكم
لكم منى جميعا جذيل الشكر والاحترام

marwa 62 كتب:: على فكرة انا اول واحدة هابخر البيت الجميل دة وربنايخليكو لبعض
وبجد مايحرمكوش من اللمة الحلوة دى ولا السؤال على بعض
وبحب اشكرك اوى اوى يا احمد لانك عرفتنى بالمنتدى المحترم دة وبالخصوص البيت
وفعلا بينطبق علية الاسم دة ويارب اكون واحدة منكم وتقبلونى صديقة ليكم
لكم منى جميعا جذيل الشكر والاحترام

يا أهلا وسهلا بمروة العزيزة

انستى وشرفتى ونورتى البيت والله

البت بقى مليان بالورد والفل والياسمين

وانتى كمان كملتى ريحته الحلوة بأحلى بخور

واكيد أكيد انتى بقيتى من ضمن سكان البيت

اللى حينوروه ويزينوه

ويارب دايما نستمتع بطلتك الجميلة جوة البيت الجميل

اللى كل سكانه ناس لايعرفوا الا الحب الحقيقى

و الله يا احمد عندك حق سبحان الله ربنا زرع في قلوبنا
الاحساس ده و المصيبه مش بنشوفو بس بنحسو و احساسو
جميل اوي و انا بدعي ربنا ان يارب دايما نفضل نحب في
بعض و تفضل قلوبنا مليانه حب لبعض ده السؤال عن
بعضنا دي بجد كفايه متلا موجه اهي كلنا نسال عليها
و انا متاكده لما حتدخل لما تيجي هنا البيت و تلاقي
كلي الحبايب بيسالو عنها و بيقولو لها وحشتينا حتفرح
و كمان حاجه ايي حد فينا حيقول انا خلاص حمشي
كلنا حنقولو لاء و ده من الحب فعشان كده بقولكم حبو
بعض و في كلمه كنت سمعتها من فيلم حب البنات عجبتني
اوي قالها اشرف عبد الباقي قال احنا تولدنا عشان ندور
على الحب فيه الي محظوظ بيلاقيه و فيه الي بيفضل
يدور عليه طول حياتو

مروه ازيك يا قمر اخبارك ايه بجد منورانا و يارب
تنضمي لبيتنا المتواضع ده الي كلو حب و اهو نكبر
العيله ولمه الحبايب الي تشرح القلب و طبعا مش
محتاجه اقوللك مستنيين مبخرتك عشان نبخر بيتنا
الحلو الجميل و مره تانيه بنرحب بيكي معانا هنا
و يارب تنبسطي معانا

aymal_4ever كتب:: و الله يا احمد عندك حق سبحان الله ربنا زرع في قلوبنا
الاحساس ده و المصيبه مش بنشوفو بس بنحسو و احساسو
جميل اوي و انا بدعي ربنا ان يارب دايما نفضل نحب في
بعض و تفضل قلوبنا مليانه حب لبعض ده السؤال عن
بعضنا دي بجد كفايه متلا موجه اهي كلنا نسال عليها
و انا متاكده لما حتدخل لما تيجي هنا البيت و تلاقي
كلي الحبايب بيسالو عنها و بيقولو لها وحشتينا حتفرح
و كمان حاجه ايي حد فينا حيقول انا خلاص حمشي
كلنا حنقولو لاء و ده من الحب فعشان كده بقولكم حبو
بعض و في كلمه كنت سمعتها من فيلم حب البنات عجبتني
اوي قالها اشرف عبد الباقي قال احنا تولدنا عشان ندور
على الحب فيه الي محظوظ بيلاقيه و فيه الي بيفضل
يدور عليه طول حياتو

انا معاكى تماما يا أمولة

الحب بين الناس جوهره

اللى يفرط فيها يبقى انسان لا يستحق الحياة

ربنا يهدى الناس وينور بصيرتهم

ويقربهم لبعض ويملا قلوبهم بالحب والخير

ويبعد عنهم الكره والزعل

لانه المثل بيقول :

اللى يحب ما يكرهش

وان شالله نكون كلنا محظوظين ونلاقى الحب اللى بندور عليه

دول مبخرتين كده على ماقسم

قدرت اسرقهم من محل عم المبخراتى اللى جنبنا

وكان فيهم شوية بخور صغيرين

حد فيكم يسرق شوية بخور من العطار اللى جنبه

ويجيبهم عشان نبخر بيهم البيت

لانه محتاج كمية بخور كبيرة جدا

هنا جمعتنا الحلوه تعالوا - صفحة 12 2454555801_8d8bb8f047

هنا جمعتنا الحلوه تعالوا - صفحة 12 2454555801_8d8bb8f047

هنا جمعتنا الحلوه تعالوا - صفحة 12 Dd953b3d6c

الله يسلمك يا امولة كل ده من زوقك والله وانا اتشرفت كتير بمعرفتكم
وبدخولى البيت مع ناس عسل ذيكم ويارب اكون عند حسن ظنكم

صباح الخير على البيت

وصباح الخير لكل سكان البيت

الحاضرين والغايبين

يافتاح ياعليم يا رزاق يا كريم

الو الو الو المطافي بيتنا بيولع هههههههههههههههههه
صباح النور و صباح العسل و صباح القشطه و صباح
الفل ايه الروايح الي بشمها دي ايه يا احمد انت عايز تولعها
و لا ايه ههههههههههه لا بجد مبخرتين حلويين اوي
انا كمان احاول اجيب مبخره كده اهو نبخر البيت
على فكره يا جماعه بلدنا بتعيش عواصف و جو مش
حقولكم عليه في ناس ماتت و في مناطق جبليه مش
لاقيه الاكل بيودو لهم الاكل بالطيارات بس بجد عمر
بلدنا ما عشت الجو ده و لا ايه البرد مش حفولكم عليه
حاجه اكتر من التلج حقيقي صدق من قال غضب الطبيعه
اللهم حفظنا يارب لو عايزين ابعت لكم شويه من الجو هنا
انا تحت امركم لا و ايه النت مش حقولكم بجد مش قادره
اشتغل في المنتدى و لا احط صور ده بالعافيه بطلع بشويه
ردود حقيقي الانسان ده لسان على الفاضي لو جه الحر بنشتكي
لو جه بردو بنشتكي اللهم لا عتراض يارب

aymal_4ever كتب:: الو الو الو المطافي بيتنا بيولع هههههههههههههههههه
صباح النور و صباح العسل و صباح القشطه و صباح
الفل ايه الروايح الي بشمها دي ايه يا احمد انت عايز تولعها
و لا ايه ههههههههههه لا بجد مبخرتين حلويين اوي
انا كمان احاول اجيب مبخره كده اهو نبخر البيت
على فكره يا جماعه بلدنا بتعيش عواصف و جو مش
حقولكم عليه في ناس ماتت و في مناطق جبليه مش
لاقيه الاكل بيودو لهم الاكل بالطيارات بس بجد عمر
بلدنا ما عشت الجو ده و لا ايه البرد مش حفولكم عليه
حاجه اكتر من التلج حقيقي صدق من قال غضب الطبيعه
اللهم حفظنا يارب لو عايزين ابعت لكم شويه من الجو هنا
انا تحت امركم لا و ايه النت مش حقولكم بجد مش قادره
اشتغل في المنتدى و لا احط صور ده بالعافيه بطلع بشويه
ردود حقيقي الانسان ده لسان على الفاضي لو جه الحر بنشتكي
لو جه بردو بنشتكي اللهم لا عتراض يارب

اهلا امولة مساء النور

وحمدالله على السلامة

شوفتى البيت بقى مليان بخور ازاى

بس ربنا يهدى سكانه ويبعد عنهم العفاريت

وانتى كمان هاتيلنا شوية بخور مغربى وبخرى مرة تانية

يمكن البخور اللى انا جيبته كان مغشوش ولا حاجه

وبالنسبة للجو السىء عندكم احنا سمعنا بيه وشوفناه فى التليفزيون

ربنا يجعل كلامنا خفيف عليهم

وكده كده بتوع الارصاد عندنا بيقولوا ان الموجه دى جاية لينا فى الطريق

ربنا يستر وتتعطل فى الطريق قبل ما توصل

ونغيظك انها ماوصلتش

وربنا يعينك على النت