قصة كفاح عزت

كفاح الصرصور عزت



زماان أوى كان فى حتة صرصار بسيط على قد حاله يعنى ،بيشتغل جناينى فى قصر السلطان "الصرصور الأعظم" و كان السلطان عنده حتة صرصارة مجننة ابن الجناينى شافها كذا مرة و اتكلموا جنب مجارى 43 و نشأت بينهم قصه حب أسطورية. و قام الصرصار ابن الجناينى اتجرأ و طلب ايد بنت السلطان و ما كان عقابه على هذا الحلم الأسطورى سوى سجن الجناينى الغلبان و تعذيب قلوب صراصيره. و حس الصرصار ان حياته هو و باباه انتهت و الحادثه اثرت على قرون الأستشعار، عنده فقرر يروح يشتغل فى دار مسنين فلقى صرصارة عجوزة غلبانة فقرر يساعدها و يكفر عن ذنبه مع باباه، وعددت ايام و شهور و بعدين ماتت الصرصارة و كان فى غايه التأثر اللى راح لما عرف الثروة اللى هيه سيباهاله و قال خلاص هيطلع بباه من السجن و يتجوز الأميرة و لكن لسوء حظه طلع له صرصار فى الزور و هو ابن العجوزة و خد الميراث كله فلم يجد امامه سوى الأنتحار علشان الدنيا كانت قفلت كل أبوابها فى وشه. قعد ماشى ماشى لغايه ملقى صحرا واسعه فيها رمال متحركة و قفز فيها قفزة السوبر صرصور و من ثم لقى نفسه فى حتة حر قوى عرف انه دخل النار و لكن بعد أيام من إقناعه بانه مامتش قدر يستوعب الحقيقه و لقى نفسه فى قبيلة شيخ الصراصير و الخيم التابعه لها (على شويه رمل كانوا متبقيين من بناء بيت بشرى) و حكى الصرصار لشيخ الصراصير حكايته المؤسفة و تاثر الجميع و شيخ البلد حبه قوى و عامله زى ابنه و خلاه يدير التجاره الخارجية بين البلاعات و بعضها، و يقود السفن الضخمه فى المجاري العميقة، و سنتين عدوا و بقى أكبر و أغنى تاجر فى تلك البلاد و فجأة مات شيخ البلد اللى احتواه زى ابنه و قد كانت تلك بالصدمه الكهربيه على الصرصار و قرر أنه هيكمل الطريق و هيروح بالثروة الى عنده و يشترى قصر كبير متنقل و عربيه ليموزين و يحرر باباه و يتجوز الاميرة...شهور طويلة فى عدت و لما وصل بيبص من شباك العربيه لقى الأميرة و كأنها حاسة أنه جاي و جريت علشان تستقبله، و بعدين قام جي يتحرك بسرعة الشوق، و لسة جاي يفتح الباب لزق فى شبشب واحد و لقى حتفه........ تمت